Verschmuste Hündin

800.-

Aujourd'hui 12:52

3604, Thun

Hoi zäme
I bi Kalea und 11 Monet alt. Lut DNA-Test bini halb Pinscher und Schnouzer, ha aber ono anderi Rasse i mir. E waschächte Mischling äbe
I bi in Bosnie uf Wäut cho. Dert hei mi es paar Froue usgsetzt. Zum Glück si gad es paar liebi Lüt zueche gfahre u hei mi mitgnoh.
Leider hani nid gad mit id Schwyz chönne, sondern ha no müesse in Bosnie ime Tierheim warte, bisi gnueg alt bi gsi zum usreise.
I bi gimpft und chipt.
So bini mit öpe 4-ehalb Monet id Schwyz cho zu mire nöie Familie wo mi grettet het.
Leider het mis nöie Mami nid so viu Unterstützig dahei und suecht jetzt es nöis Dahei für mi.
Am liebste eis woni für immer daf blibe.
I liebes z'spiele u schmüsele.
Fahre gärn Velo u Auto. Im Winter liebi dr Schnee und am Morge nachem z'Morge tueni gärn no chli Chille
Z'Wasser isch mir nid so ghür, derfür liebi dr Wald.
Hesch du Zyt, Fröid und viu Geduld? De chönnti us üs es tolls Team wärde!
Toll wärs, wenn du scho chli Erfahrig mit Hünd hesch, i ha drum no viu z'lehre.
Zur Zyt läbi ihre Familie mit Chind und Kater. Das klappet wunderbar.
Leider het mir vor churzem e Ma mis Fuetter wöue wegnäh, er hets nid bös gmeint, aber darum hani im Moment chli Müeh mit Lüt wo mir z'nöch chöme, weni öpis am ässe bi oder am chätsche.
Wenn du mi möchtisch lehre kenne, de mäld di doch bi üs und so chöi mir e Spaziergang abmache
I fröie mi uf di, Kalea